Ua agai le Michael Hill e faaaoga spray e faigofie ai ona iloa le DNA.
Ona o le faatupulaia o osofaiga a gaoi e taulai i le Michael Hill ma ana faleoloa, o lea ua faamautinoa mai ai e le pulega ua faaopoopo auala o puipuiga faapea auala e fesoasoani e sue ai tagata gaoi.
O le tekonolosi lenei e mafai ona pipii i le lauulu, o le pa’u o le tino faapea ofu o le gaoi ma e faapea e faitau vaiaso e mau ai.
E ese mai i le spray, o lea foi ua faaopoopo sikulati i faleoloa a Michael Hill, faapipii alarms faaopoopo, security cameras faapea puipuiga mo le aufaigaluega.
A o faia ai nei mea uma, ua faaalia ai foi e le faatonusili a le Michael Hill i tala a le Herald, Rob Fyfe lona faanoanoa i le faatautaiga o galuega a le faamasinoga lea o loo tele ina saoloto talavou solitulafono.
