Ua tapisa tagata o le atunuu, e tusa ai ma le aafiaga tele o faamaumauga ma faamatalaga faasino i ma’i ma e aotovaa atu i maota gasegase mo fesoasoani ma togafitiga.
O se mataupu ua faaalia ai le lē fiafia ma le mata’u tele o se tasi o tagata o loo iai ana faamaumauga i le My Mange Health.
I ripoti mai le leitio faavaomalo a Niu Sila, na ta’ua ai o lea tagata na aafia i sauaga matagā, ma ua faaalia ona manatu, ona o lona popolega o le faatasina o lona tagata ma faamatalaga faatatau ia te ia ma tulaga na oo iai.
Mo le silafia o lenei mataupu alia’e mai ina ua osofa’i e nisi tauala i gaioiga faatekonolosi – hackers o faamaumauga ma faamatalaga ma’ale’ale o tagata gasegase ma le toatele o loo iai faamaumauga i le Manage My Health.
E fai o le faatino ai o lea gaioiga poo le cyber attack ae ua faamatu’u mai ai ma so latou mana’oga tau tupe, randsom note- afai ae lē totogiina atu ia i latou o le $60,000 Amerika, o le a o latou liki atu i tua o 40,000 o faamaumauga na o latou osofa’ia ma ave faagaoi.
Ta’ua o le taeao o le Aso Faraile, na tuuina mai e i latou nei e tatau ona oo atu ai ua totogi atu lenei seleni, a leai ua liki loa i tua ia faamatalaga.
Faaalia e lē na aafia i sauga, e na te lē o iloa poo aofia ana faamaumauga i lenei faafitauli, ae ua ia ta’ua lona popole tele ma ua lagona le fefe i le mea ua tupu. Ma ua tauau ina toe ona faalogona o le mata’u i tulaga na oo ai.
E ui i se faatamala a le auaunaga o le Manage My Health, ae ua faaalia e le faauluuluga o lea auaunaga Vino Ramayah, na aafia foi le auaunaga e lē na o tagata, ae ua ia faamalulu i le mamalu lautele mo le faaletonu ua aafia ai le toatele o tagata ma a latou faamatalaga na faapea e malutia ma puipuia.
Ma ua fautuaina tagata e sui o le Netsafe ina ia mata’ituina lelei ni imeli e latou te mauaina ina ia malupuipuia mai ai i faafitauli faapenei mai le ono tulai mai.
Puna o Faamatalaga: https://www.rnz.co.nz/news/national/583336/one-part-terrified-one-part-really-angry-assault-victim-s-anger-over-manage-my-health-hack
