E lē o tagata uma e fiafia i le faaopoopoga ua sau ma masini EFTPOS fou o loo fesiligia ai pe mananao e faia se tip pe leai.
O le fausaga fou o masini EFTPOS o lea ua fesiligia ai le tagata faatau pe mananao e fai meaalofa pe tip le 5, 10 poo le 15% o le pili e ave ma le pisinisi.
Finau a pisinisi ma tagata faigaluega, ua oo i le taimi e faamatala ai aao o tagata Kiwi ae foai, a o isi ua fai mai ua pei ua tuu ai le avega i luga o le tagata faatau.
I luga o upega tafailagi a le vaega o turisi o loo faalauiloa ai Niu Sila, o le faia o le tip e lē o se aga a tagata Kiwi, peitai o atunuu i fafo e pei o Amerika ma isi o la latou lea masani ma e faamalosia foi i le tele o fale’aiga.
Ae o le fesoasoani a le Pule Sili o le asosi o fale’aiga, Marisa Bidois i tala a le leitio a Niu Sila, o loo mafai lava ona teena e le tagata faatau lea fesili pe a lē manao iai.
