Ua manuia le tusigaigoa o lenei tausaga, e ui e lei ausia le maualuga sa tuli.
E silia ma le 4.5 miliona tagata o lea ua mae’a toe faafoi pepa faatumu o le tusigaigoa, ma o le itula e 5 i le afiafi ananei lea e faagata ai.
E 89% le maualuga o le tali mai o le atunuu lautele, ae i tagata Pasefika e 79%, ae 74% tagata Maoli.
I tagata Pasefika lava ia na o ia, o se siitaga mai le na o le 67% sa iai i le tusigaigoa o le 2018, poo le tusigaigoa lea sa matuai iloga ona maualalo le tali mai ai o tagata Pasefika ma Maoli.
E ui i le lē ausia o le 90% sa manao iai le minisita o faamaumauga, Deborah Russell, ae i lana saunoaga i le Palemene, o se taunuuga manuia lea ua oo iai pe a faatusa i le 2018.
O le masina o Me o le 2024 e amata faalauiloa ai faaiuga o le tusigaigoa o lenei tausaga.
