Valoia e se tasi o kamupani o loo ia sailia galuega a tagata, e ono iai le siitaga o totogi i le tausaga a sau peitai e maualalo lea na i lo le sii o le tau o le soifuaga o loo iai.
O suesuega na faia ua fai mai ai le Robert Walters o le 2/3 o fale faigaluega o loo mananao e faia siitaga o totogi o tagata faigaluega peitai o ia siitaga e i le va o le 1 agai i le 5 pasene.
A faatusa lea i faamaumauga a le vaega o faamaumauga na fai mai ai e 7.4% na alu ai i luga tupe faaalu a aiga taitasi i totonu o le tausaga na faauma ia Setema faatoa uma atu, e lē o paleni.
O se suesuega foi na maua ai o le 44% o fale faigaluega o loo fetaiai pea ma le luitau o le fiu e sue nisi tagata faigaluega, ae 43% ua fai mai ua faigata le tauvaga i le va o tagata o loo sue galuega.
Ua fai mai ai foi ma pulega o fale faigaluega, o nisi o tagata sue galuega e tusa lea ma le 62% ua maualuluga tele totogi o loo mananao ai.
