E le faapea ua leai se avanoa o se referendum e faia e faatatau i le tausaga e tatau ai ona palota se tagata i Niu Sila e pei ona iai nisi o finauga i le vaiaso talu ai ua valaau ai mo le toe suia o le tausaga e agavaa ai le tagata e palota i le 16.
O le savaliga tetee a tamaiti aoga sa faia i le vaiaso ua tea sa aofia ai ma le mataupu lenei i le toe tuu i lalo o le tausaga e mafai ai ona palota.
Fai mai se tasi faipule sinia o le Leipa o Michael Wood o se mataupu o loo iloilo e le malo ma e foliga e atagia ai o loo silasila foi i se reerendum ona o se mataupu e tāua tele ma e manaomia ai finagalo faaalia o le lautele.
Fai mai le Palemia i le faatalanoaga i le AM i le asō ua vave tele i le taimi nei ona faailoa mai se faamatalaga pe ono faia se referendum pe leai e tusa o lea mataupu.
Fai mai le Palemia sa tuuina foi e le komiti filifilia a le Palemene le avanoa i tagata lautele e faailoa ai o latou finagalo i le mataupu lenei.
