O loo iai lapataiga ua alia’e i le asō i le faatupulaia o le aofai o afā o le a aafia ai le Pasefika ona o le El Nino.
Ua faailoa i lipoti mai le NIWA, le ofisa e mataituina uiga o le tau, o totonu o le isi 12 masina o le a vaaia ai le suiga i le tau ona o le El Nino, o le taimi e faamafanafanaina ai ogasami i le itu i Sasae o le Pasefika ma gataifale foi o Amerika i Saute.
Na saunoa le vaaitau o Ben Noll o le uiga o lea faamatalaga o se vaega mamafa o timuga e ono fautuaina mo nisi faaitu e pei o Kiribati lea ua fai si umi o feagai ma mugala, ae o isi vaega o le itu i Sisifo o le Pasefika e pei o Papua Niu Kini e tatau ona tumau pea i le tau mafanafana e pei ona masani ai.
Ua saunoa foi le vaaitau ua iai foi ma le avanoa e faatupulaia ai le aofai o afā e ono aafia ai le itu i Saute i Sisifo o le Pasefika aemaise le itu i Sasae o Fiti.
