Search
Search
Photo Credit: Illawarra Mercury

E lei maua lava se tali i cocaine e tafefea ane i matafaga o Niu Sa Uelese

O lenei lava o loo sailia pea e leoleo le misiterio o le faitau selau o kilo o le fualaau faasāina o le cocaine na tafefea ane i matafaga i Niu Sa Uelese mai masina ua tuanai.

Talu mai Tesema 2023 o se aofaiga atoa e 256 kilo o le cocaine na maua i matafaga eseese i Niu Sa Uelese ma na amata mai ai suesuega.

O le uluai afifi na maua i Magenta Beach i le faaitu o Tuggerah i le va o Sini ma Newcastle.

O le isi afifi na maua i Numbucca Heads i le Mid North Coast ma e eseese uma igoa o loo tusia ai i afifi.

O igoa e pei o Tesla, Zoé, Z97, NHR174 ma R-Z.

O loo galulue pea le ausuesue i lenei mataupu e aofia ai ma  le vaega o le marines ma le border force ma le surf lifesaving.

Ua fautuaina foi i latou e fiafia e agai i le matafaga afai ae  maua ni afifi faapea ia vave loa ona ave i leoleo ma ia manatua o le umia o fualaau faasāina o se solitulafono.

Fai mai se tasi toeaina i talafou o lona masaloga e foliga o le isi lea mafuaaga ua vaaia ai le matuai tumutumu o matafaga i le setete i lenei vaitau, e pasese fua nisi i le vevela ae  leiloa poo le mafuaaga lea e o ai i le matafaga o le sailia pe o tafetafea ane ai poloka o le cocaine.

Tala sili ona faitaulia

FAATALATALANOAGA

TALA FOU MAI SAMOA

SAMOA UPDATE

PODCAST

Listen on

POLOKALAME A LEOLEO

Keep uptodate with Radio Samoa activity & promotion

* indicates required