Talu ona amata le polokalame o galuega faavaitaimi e lei faataotoina e le Malo o Samoa se faiga faavae e lima taitaina ai le sailia o tagata e agavaa i ia galuega.
O le isi lea o mafuaaga o le tele o faafitauli ua aliali mai ma aafia ai lea polokalame ua maua ai avanoa i galuega faavaitaimi i Niu Sila, o le atunuu na amatamea i lea polokalame, sosoo ai ma Ausetalia.
Na faailoa le leai o se faiga faavae a le Malo o Samoa i le tali a le sui Minisita o le Matagaluega o Alamanuia, Pisinisi ma Leipa o loo vaaia le polokalame le afioga Toeolesulusulu Cedric Schuster ina ua amata tali le itu a le Malo i le tala faaopoopo o le tupe muamua.
O le mafuaaga lea o le faaiuga a le Kapeneta e taofia le tumau le toe malaga o nisi mo ia galuega i le masina amata o lenei tausaga fou, ae sei faamae’a le iloiloga o loo feagai ma se komiti faapitoa.
Le afioga Toeolesulusulu Cedric Schuster o loo tauaveina tiute o le Minisita o Alamanuia Pisinisi ma Leipa a o toesea ai le Minisita o lea matagaluega mo siiga gasegase i atunuu mamao.
