O le masina fou lea ua folafola e le Pulega a le supamaketi a Coles o le a taofia ai le faatauina o ana tagapepa mo faatauga i ana faleoloa ae faapea foi luga o upega tafailagi i le faaiuga o le masina fou.

Faailoa e le kamupani o le faatauina o tagapepa ia tai 15 sene i le taimi nei o le faaitiitia ai foi ma le faataamilosaga o tagapepa ia i totonu o Ausetalia ma faasaoina mai ai se vaegatupe pe 230 miliona i le tausaga. 

Ua faia lea fuafuaga e Coles i le mae’a o le faalauiloaina e le isi supamaketi tele i Ausetalia le Woolworths poo Woolies, e le toe faatauina foi a latou tagapepa pe a oo atu ia Iuni o le tausaga nei.

O lona uiga la o le a tuu i le faitalia a le tagata faatau e agai atu ai ma lana ato poo se taga foi mo ana faatauga ae fai mai le kamupani o loo a iai lava nisi tagapepa e mafai ona toe faaaoga o le a faatauina pea i le faleoloa mo le au faatau e agai atu ae galo ni a latou ato faatau.