Ua saunoa le Palemia o NIu Sila, Christopher Luxon, na te iloa lelei e le ta’uta’ua le faigamalo i tagata uma ao taumafai ai e liliu le gasu ua tuu atu ia i latou . O le iuga o se palota faataitai na faatino i le vaiaso nei na iloa ai e iai nofoa ole National e ono lusi i le Leipa pe afai ae faatino se faigapalota, e le gata i lea o le 40 pasene ole au palota e manatu ua sili atu ona leaga le tulaga ua iai nei Niu SIla nai lo tuanai.

I le faatalanoaga a le Palemia i luga o le Breakfast i le taeao analeila na ia tā’ua ai e na te fia faalauiloa muamua o taimi aupito faigata nei mo tagata o Niu Sila aemaise i le feagai ai ma le inflation ma le maualuluga o interest rates ae na te lagona ua iai mea ua faasolo ina lelei ma iai foi ni faailo o ni tulaga lelei ua ataata mai.

Saunoa Luxon o le mea e fia faamanino o loo latou feagai nei ma mea na faamatuu ane mai le faigamalo i le ono tausaga talu ai, o tulaga tau tupe e lei lelei ona puleaina ma o loo iai le latou fuafuaga e tatau ona agai ese mai ai mai ia tulaga ma iloa atu ai se alafua aupito lelei e ataata mai mo le atunuu.

Tā’ua e le palemia e tatau ia te ia ona fai faaiuga mo le alualumamao ma le faaiuga e sa’o e maua ai e Niu Sila se lumanai manuia.

Puna o Faamatalaga: https://www.1news.co.nz/2024/10/15/we-wont-be-popular-with-everybody-i-get-that-prime-minister/