Ua faamautinoa mai e le minisita o le soifua maloloina o le mafaufau, Matt Doocey e lē tapunia faitotoa o le ofisa a le Suicide Prevention.
A o vaavaai ai le matagaluega e vāea le tusa ma le 100 ma ona tupu e aofia ai ma tagata galulue i le ofisa lava lenei, e lē o aafia ai le faaauau pea o lea auaunaga.
O lea na muai fai mai le asosi o tagata faigaluega a le malo, Public Service Association o le a tapuni le ofisa a le Suicide Prevention, peitai i le afiafi lava ananafi na toe faamanino mai e le minisita e leai, ma ua ia ta’ua foi lona faanoanoa i lafoga a le asosi ua sese ai tagata.
Saunoa le minisita e lei iai sana tala i lea faaiuga ma ua mae’a faamanino foi lona finagalo agai i le faatonu o le matagaluega a le soifua maloloina, e lē tapunia le Suicide Prevention Office.
O le faaiuga o Iuni lea ua vaavaai iai le soifua maloloina e tatau ona oo atu iai ua mautinoa le toe faataatiaga fou o le matagaluega mai suiga o loo talanoa nei ae e lei amata aloaia mai ia Aokuso.
Puna o Faamatalaga: https://www.1news.co.nz/2024/04/04/suicide-prevention-office-will-remain-open-minister/
