E ono amata faaaogaina le tui puipui o le Koviti i NZ I totonu o le kuata muamua o le tausaga fou
O lea ua maea sainia e le malo le maliega I le masina o Oketopa e faatau mai ai le tusa ma le 1.5 miliona tui puipui ma e lava lea mo le 750 afe tagata
O le tui puipui lenei mai le Pfizer ma BioNTech, ma o tuutuuga ua iai o lea maliega o le a faatoa mafai ona sau I totonu o NZ pe a manuia suesuega atili faafomai o loo faagasolo nei faatasi ai ma le ioe o Ie Medsafe a NZ
Ese mai tui puipui nei a le Pfizer ma le Biontech, ua faamautinoa mai e le minisita o le suesuega faasaienitisi, Megan Woods, e ese foi kamupani gaosi vailaau mo puipuiga o le Koviti o loo suesue nei ele matagaluega o pisinisi ma galuega, ma o ni gaioiga ua faalautele ina ia lava ma totoe tui puipui mo le atunuu atoa
66.3 miliona tala lea ua faaagaga e le malo aua vailaau ma isi fuafuaga e faalauiloa ai le tuiga o le Koviti, ma o le aloaia lea polokalame pe a maua le fofo
Afai ae manuia suesuega o lenei tui puipui, o I latou o le ave iai le faamuamua o I latou o loo galulue I le vaega o le soifua maloloina atoa ai ma tagata faigaluega I uafu ma malaevaalele.
Saunoa foi Woods, o le a aofia ai ma tagata matutua, faapea community Maori ma le Pasefika
O se tala fiafia ma o loo viia e le toatele suesuega nei a le kamupani a le Pfizer, pau le tulaga e le o mautinoa lelei I le taimi nei poo le a le umi e mafai ai ona puipuia pe tetee atu I le Koviti pe a uma ona tui.
