E le o pisa tele lava le aveesea o auaunaga ofo fua mai mo tagata uma e maua i le Koviti.
I luga o le upega tafailagi a le malo na faia faapitoa mo le Koviti ua suia ai nei tagata agavaa mo auaunaga maua fua nei mai le free Covid-19 healthcare i le faaupuga e na o tagata e maualuga le lamatia pe a maua i le Koviti.
O le vaega lea e aofia i totonu o le maualuga le lamatia o tagata e iai aafiaga tau i le soifua maloloina, o tagata Maori, tagata Pasefika, tagata e iai manaoga faapitoa atoa ai ma tagata matutua 65 tausaga agai i luga.
O loo faamatalaina i luga o le upega tafailagi, a o pepesi ai le Omicron o le toatele o tagata o loo mafai lava ona toe faasolosolo manuia a o nonofo ai i aiga.
E le o iai se suiga i rapid antigen tests (RATs) ma tui o le Koviti lea o loo maua fua pea e aunoa ma se totogi.
O le suiga o auaunaga tau i le soifua maloloina ua faia nei ma e na o se vaega o tagata e agavaa iai, e amata aloaia mai le Aso Gafua o le vaiaso fou.
