E 24 itula lea na faasa ai tagata taeele i se tasi o matafaga lauiloa i Aukilani a o sau lapataiga mai le Watercare.
O lea na tuuina mai e le pulega a le suavai a Aukilani le lapataiga i tagata ua le saogalemu ma ua black flag Long Bay i luga o le upega tafailagi a le Safeswim ua faaupuina o loo matuai maualuga le lamatia mai faamai pe a agai iai mo taelega.
Ua mafua lea i le faaleagaina o le suasami mai otaota o falelēta’ua ua toe tafe agai i le sami.
E oo mai i le taimi e tuufaatasia ai tala o le taeao e lei kilia lava i luga o le Safeswim Long Bay mo ni taelega, ma e foliga mai e na o Torbay lava o loo aafia ona o lea e lē o afaina le tele o isi matafaga i lea vaega i Matu o Aukilani.
O le fautuaga ua tuuina mai, afai o tapena e fia alu se tafaoga siaki muamua le Safeswim mo le mautinoa o loo tatala ma o loo saogalemu.
