E ui e le o finagalo le tamaitai palemia e faailoa se aso maumaututu e tatala ai le feoai saoloto I le va o Niu Sila ma Ausetalia, pau le itu ua ataata mai o le masina fou
Afai ae e le toe iai nisi cases faamaonia I tua I le komiuniti atoa ma le faia o nisi tapu mai le faaiuga o lenei masina agai atu ia Aperila, o le a faataunuuina loa
O le Aso Gafua o le vaiaso fou o loo fuafua e folasia ai le ripoti atoa I luma o le kapeneta, ma ua saunoa le palemia, Jacinda Ardern, o le manaoga lava ia faia ma le saogalemu
O le malaevaalele I Aukilani le malaevaalele autu o le a faaaogaina pea mo feoaiga faavaomalo, ma e ui o loo moomia e le malaevaalele se taimi e tapena ai, e le o faatusalia lea I le 3 agai I le 4 vaiaso lea e moomia e kamupani vaalele e toe fetuunai ai vaalele ma tagata galulue
I faamaumauga e na o le toatasi le pasese taunuu mai Ausetalia I lenei tausaga na faamaonia ao faanofoesea ua maua I le Koviti, ma o loo finau mai ai ma tagata suesue o loo maualalo le tulaga lamatia o tagata pe a tatala le feoai saoloto
