E ui i le toe alu i luga o cases o le Koviti, toatele tagata taofia i falemai faapea ai ma i latou ua toe aafia i le faamai, ae e le o iai se fuafuaga a le malo e faia ni tui faaletausaga o le booster.
O se tala mai lea mai le minisita o le Koviti, Ayesha Verrall, ma a o leai mai ai la, e pau le itu o loo vaavaai iai i le taimi nei o le faatutu solo o fale e mafai ona faia ai tui i le tausaga fou pe a moomia.
I le taimi nei o loo fai mea faalogo le malo i fautuaga mai tagata suesue faapitoa i le ono moomia o se polokalame e toe faaauau ai tui o le Koviti.
Ta’ua e le minisita e le o mautinoa le toe faia o ni boosters faaopoopo, peitai e ono mafai ona tupu mo tagata e maualuga le tulaga lamatia.
E ese mai i tui faaopoopo ua ta’ua o le booster, o lea foi o loo faasolo fuafuaga ma iloiloga a le malo pe toe faatau mai nisi tui mo le Omicron.
