E iai le manatu o le Matagaluega o Puna’oa Faalenatura ma Siosiomaga, o le lē faia o tiute o nisi o konekarate o aoina le lapisi mai nuu ma afioaga o le motu o Upolu, o le mafuaaga lea o le savalia o le 3 vaiaso o faulala’i taga lapisi i nofoaga o loo faaputu ai i luma o maota ma laoa, ma ua tutupu ai ma nisi faafitauli o le manogi faaletonu, ma le osofai e ta’ifau ma salalautasi ai ma avea o ni vaaiga matagā.
Ua faailoa e le Matagaluega i lana itulau o fesootaiga i upega tafailagi, o le vaiaso nei ina ua maea aso malolo o le Tausaga fou, na asia ai nuu uma o le motu o Upolu ma faatino ai se fesoasoani faatasi ma nisi o konekarate ao lapisi, e la’u ese lapisi ma ave i le nofoaga o loo lafoai iai.
O le lio lava ia o le taulaga e faalua i le vaiaso ona ao le lapisi peitai ona o le faatupulaia o otaota na lapisi lafoai i le vaitau lenei o le tausaga i taimi o aso malolo, e manatu le matagaluega o puna’oa faalenatura ma siosioaga ua le faia ai ma le tiute o nisi o konekarate o loo totogi e le Malo mo le faia o le galuega.
O se faaletonu o le a toe silasila iai le matagaluega i se auala e foia ai pe a toe a’e uma galuega a le malo i le vaiaso fou.
