E lē o foi le puleganuu a Waikato i le faatupeina o le train a le Te Huia lea o loo fealua’i i le va o Hamilton ma Aukilani.
O le lua vaiaso talu ai na faailoa faalauaitele mai ai e le New Zealand Transport Agency poo le NZTA o le a faaitiitia lana fesoasoani tau tupe mo le Te Huia mai le 75.5% i le 70% i le tausaga faaletupe lenei e faasolo atu i le tausaga fou, ae 60% mai le 2025 agai i le 2026.
Na uma le palota a le puleganuu a Waikato ma ioe ai le 12 i le na o le toalua e lei auai, e faaauau ai pea e le puleganuu ona faatupe feoa’iga a le train mo le isi lua tausaga.
O se tasi o mataupu o loo iai i totonu o fuafuaga mamao a le puleganuu mo le 2024 agai atu i le 2034.
E lē o masalosalo le puleganuu o se faaiuga o loo faafiafiaina ai tagata Waikato ma i le isi itu, ua mautinoa ai foi e le puleganuu sini e tatau ona taumafai ia ausia ina ia faaauau ai pea feoa’iga nei i le va o Aukilani ma Waikato.
Puna o Faamatalaga: Te Huia train: Waikato Regional Council addresses NZTA funding shortfall – NZ Herald
