Ua leai mai le tamaitai palemia, Jacinda Ardern I le osi o se coalition poo le tuufatasiga a le Labour ma le faafaletui a le Greens
I le leai mai ai o Jacinda, e tusa ma ripoti a le newshub, pau le sootaga o le a iai o se fesoasoani e le tele mai le Greens
Ao talia le faitauga aloaia, e 64 faipule o le Leipa ma ose fuainumera ua talitonu Jacinda, ua lava ma totoe e galueaina fuafuaga faataatitia mo le atunuu
O le paeaiga faatoa mavae atu nei, lea na faifaimea faatasi ai le Leipa, New Zealand First lea ua le manuia I le faigapalota lenei ma le pati a le Greens, ma e pei o le Greens lea sa faamoemoe o le a toe tamomoe faatasi ma le Leipa
I le mausali ai o le faaiuga a Jacinda, o le fesili ua iai nei, faamata o ai o le a avea nei ma sui palemia. Ae pe a fua I tulaga o iai le Labour ma le faatamoega o ana galuega fai I le paeaiga na sei mavae atu, o loo taumate ai I le va o le sui taitai o le Leipa Kelvin Davis poo le uo mamae a Jacinda, Grant Robertson.
