E le moni faamatalaga ua salalau o le tui lea na mafua ai ona maliu le na faanofoesea i lona fale i Aukilani
O le faamaoniga lea mai le soifua maloloina, ao faaauau pea suesuega i le maliu faafuasei o le case faamaonia lea na maua e se tasi o lona aiga ua maliu i le fale na faanofoesea ai
O le tama ua maliu e 40 tausaga le matua o lona soifua, ma e faapea o lea sa faanofoesea i lalo o tuutuuga e mataitu e le soifua maloloina
Faamautinoa mai o lea ua faia nei suesuega a le matagaluega ma le Northern Regional Health Coordination Centre pe na faafefea mai le vaaiga na iai lea case ma auaunaga faalesoifua maloloina ao faanofoesea
I se tali mai a le faatonusili o le soifua maloloina, Dr Ashley Bloomfield i le aso ananafi na ia faailoa ai o le toatele lava o cases faanofoesea i o latou fale o loo faafesootai i luga o imeli i le maea ai ona faia o suesuega I le taimi amata
I tala a le TV1, o lea tama sa faanofoesea i se tasi o apartments o le fale fogafale 11 i Manukau ma i molimau a nisi o loo nonofo i apartments o lea fale, e le i logoina i latou a mea o iai se case faamaonia o loo faanofoesea i lea fale tele aemaise o le taimi na maua ai ua maliu
