O lea ua uma ona tuli mai lona tulaga tofi faatonusili o le soifua maloloina, peitai e foliga mai e ono toe savalia foi e Rob Campbell le auala lava lea e tasi i lona tofiga o loo iai nei o le faatonusili o le Environmental Protection Authority.
E ui o loo teena pea e Campbell le faamalolo o ia mai le tofiga taitaifono o le Te Whatu Ora-Health NZ, ae o le aso ananafi lea na ia tauaaoina ai le tusi lona lua, ae ua sau mai le minisita o le siosiomaga David Parker.
Na tali Campbell i tala a le Herald, o le asō o le a tali atu ai i le tusi a Parker.
Afai ae tutusa faamatalaga o tusi a minisita e toalua, o le tusi a Parker ananafi ma le tusi a le minisita o le soifua maloloina Ayesha Verrall lea na tuuina atu iai i le Aso Lua – o le faamavae mai poo le faamalolo, o lona uiga o le a le toe nofoia foi e Campbell le isi nofoa tau taitaifono ma o le a lua iai ana galuega e le toe iai i totonu o le vaiaso e tasi.
O lesona e lua o le mataupu lenei, o le manatua o lau konekarate o loo faafaigaluega ai oe atoa ai ma le toe mafaufau a o e lei tuuina i luga o le social media ni ou manatu.
