Na faailoa e leoleo sa o latou agai atu i se faalavelave na lipotia ane mai Magele ua maliu ai se tagata.
Fai mai lipoti na taumafai le vaega o fesoasoani faavavave e laveai le tagata na aafia peitai e lei manuia.
O se faamatalaga a le pule o le Holiday Inn i le malaevaalele i Aukilani, Clayton Darlington na ia faaalia i le lipoti a le televise tasi, o lē ua aafia o se malo sa aumau ai i le Inn ma na maliu i le vaitaele, swimming pool.
Fai mai o loo faia le suesuega i lenei faalavelave ae na faailoa foi e Clayton latou te matuai mataituina ma le toto’a le saogalemu o a latou malo ma ua faaoo foi faamaisega i aiga ma uo a lē ua aafia.
O le faalavelave lea na tupu mai i le afiafi o le Aso Lulu.
O isi lipoti e lei faamaonia o loo ta’ua ai o se tamaititi lea na aafia.
