O loo iai le mafai e fesoasoani ai le faitau afe o tagata Kiwi e lē atoatoa le malosi i galuega o loo tau su’e nisi e faia. 

Ripoti lenei na tusia ma su’esu’eina e le Workforce Development Councils mo galuega e aofia ai le faufale, inisinia faapea fela’ua’iga o faamomoli. 

E ui la o loo to’aitiiti se vaega o tagata matutua nei e lē atoatoa le malosi i totonu o galuega nei, faatasi ai ma tagata Maori, tagata Pasefika faapea ai ma le itupa o tamaitai, peitai o i latou nei o loo sau i le ripoti e tāua tele a o tau sa’ili nisi e faia galuega faufale, inisinia faapea fela’ua’iga. 

I faamaumauga o loo iloa e silia ma le 268,900 tagata matutua e lē atoatoa le malosi o loo galulue i auaunaga nei i le taimi nei. 

E le’i ‘alo le ripoti i itu o loo tele ina lē faafaigaluegaina ai e fale faigaluega tagata matutua nei e lē atoatoa le malosi, ma o loo ta’ua mai ai foi o le pa pupuni numera tasi o loo iai i le lē faafaigaluegaina, o le amio. 

Puna o Faamatalaga: https://www.nzherald.co.nz/kahu/skills-shortage-disabled-new-zealanders-can-help-fill-industry-shortage-gaps-new-report/SNZF5Y676RDWLE4CI2PSSI5ULM/