E 6.7 le malosi o le mafuie na lulu i le taeao nei i Saute i Sisifo o Niu Sila, faatusaina e ‘afa le mamao ma le Antarctica. 

Macquarie Island lea na luluina ai i le tea o le itula e 5, faamauina i lipoti e 10km lona loloto, ma e leai ni lapataiga o se sunami mo Niu Sila.  

I totonu lava o le 24 itula e iai foi isi mafuie e lua na luluina i Matu i Sasae o Niu Sila, 5.4 le malosi na lulu i Kermadec Island i le aoauli ananafi i le tea o le 12, ma o le isi e 4.9 le malosi i le nofoaga lava lea e tasi i le tea o le 3.

O le tea o le 9 i le taeao lava ananafi na luluina ai foi Sasae o Pauanui i le malosi e 4.4, e tusa le loloto ma le 376km.