Na feutaga’i leoleo ma se tasi alii na aga’i ane i se nofoaga o loo fausia ai se fale i Melepone i le ogatotonu o le aai e lipotia o loo faaa’upegaina i se naifi.

Lipotia e le 7News na aveesea faavave mai ai le faitau selau o le aufaigaluega a o faataututū leoleo ma lea tagata.

O le te’a laititi o le ‘afa o le 6 i le taeao analeila na logo ai leoleo i lea faalavelave ma aga’i ane loa iai.

O loo faamatala i lipoti na fiu leoleo e tau pu’e ae ua a’e ane i isi foloa o le fale lea o loo fai ai galuega ma ua oo atu nei iai ma le vaega faapitoa a leoleo i mataupu faapea.

Ua ta’ua e 300 tagata faigaluega e galulue ai i lea nofoaga, e leai se tasi o faamanu’alia a o tālia ai se lipoti mai lea faalavelave.

Puna o Faamatalaga: https://7news.com.au/news/man-armed-with-knife-at-building-site-in-melbourne-cbd-workers-evacuated–c-15881928