A o iai i le motu o Savaii i lenei vaiaso le Minisita o Galuega Tetele ma pulega o uafu ma taulaga mo se asiasiga i nisi o galuega ma atinae a le Malo, o le uafu i Salelologa o se tasi lea o nofoaga sa asia ma molimauina ai ni suiga i fale faaee pasese ma faatali ai foi tagata malaga i le va o motu.
O le vaega sa faatali ai pasese mo le agai i le vaa ua aveesea paipa ma uamea ae tuu iai nofoa fou ma se TV e maimoa ai pasese ao faatali le taimi o le va’a.
Faaalia foi e le Minisita o Galuega tetele ma pulega o uafu ma taulaga le tofa Olo Afoa Fiti Vaai, o le asiasiga i Savaii ua molimauina le faatu ai ma se afi eletise fou i le faleeletise i Salelologa o le a lē toe motusia ai lea auaunaga tāua mo Savaii atoa.
Se finagalo o le Minisita o Galuega Tetele ma pulega o uafu ma taulaga faapea le faalapotopotoga o le eletise, tofa Olo Afoa Fiti Vaai.
