Afai ae faamanuiaina le National I le faigapalota o loma nei, o le a ia aveesea femalagaiga faia fua o loo iai nei mo fanau ma faaluaina le tau o pasese mo tupulaga lalo o le 25 tausaga le matutua.

O se tasi lea o vaega o fuafuaga a le pati na faailoa mai ananafi ma le tala o le a toe fetuunai tupe nei e alu I le polokalame a le Community Connect I isi poloketi.

O lea faatoa lua masina talu ona feoai fua fanau lalo o le 13 tausaga e leai ni pasese e totogia faaaoga ai femalagaiga lautele, ao tupulaga 13 agai I le 24 tausaga e na o le afa e totogi mo feoaiga.

Peitai I le maitau a le National e le o lelei ona fai ma o loo paso foi isi councils e faamaonia tausaga o tagata femalagai, ma o nisi foi o councils e le I lava se taimi e tapena ai ona e na o le masina ma le afa lea na logoina ai I le suiga ua iai e pei ona molimauina ia Ueligitone.

Leai se suiga I le tau pau o pasese o tagata matutua faapea fanau aoga o loo I iunivesite.

O le talitonuga o le National, aumai le $327 miliona na paketi e le Labour mo pasese pau nei e faaaoga I isi poloketi.