Ua ave le kamupani inisiua a le AA i  le faamasinoga ona ua ia soli le tulafono o faigatutusa ma aafia ai ma paaga poo tagata o loo iai inisiua i le kamupani.

O le faaiuga lea ua oo iai le Financial Markets Authority (FMA) lea e mataituina auaunaga e iai le kamupani inisiua ma e faapea ua overcharge ai le tusa ma le $11.12 miliona poo tupe nei sa le tatau ona toe totogia e tagata.

Ese mai le lē sa’o o tupe o inisiua o lea foi ua tuuaia i le faasese o paaga i lana multi-policy discount lea e faapea sa tatau ona maua lava le discount i le taimi e faaopoopo ai le isi policy, peitai i lalo o le system a le kamupani inisiua e faatoa maua le tau pa’ū pe a oo ina faafou le uluai policy (original policy).

I faamaumauga e silia ma le 112,000 paaga na aafia ai mai le lē sa’o ona fai o le discount ma toe totogi ai le $2.95 miliona o premiums.

Ua toe faatoese ai le AA ona o le faaletonu o a latou system ma le faamatalaga o le faaiuga o le tausaga talu ai lea na faamae’a ai galuega toe faalelei ma faasa’osa’o le tele o faaletonu.

Mai le FMA o le faafitu ai lea ona ave o le kamupani inisiua i le tulafono talu mai Iuni o le 2020.