Na ave i le falemai i se tulaga tigaina se tasi na momo’e i le malafoni ananafi i Aukilani.

O le nofoaga na tini iai o le malafoni i Victoria Park lea e faapea na oso ai le ma’i o lea sui momo’e, poo le malafoni lea na auai ai le tusa ma le 14,000.

E ui o se fiafiaga le toatele na mafai ona auai ananafi, ae e lē o toe ausia lava le 18,000 lea na auai i le 10 tausaga talu ai.

O le 62% o tagata tamomo’e na auai ananafi o i latou faatoa tamomo’e mo le uluai taimi.

Ae mo lē na auina atu i le falemai i Aukilani, e lua taavale a le falemai faapea ai ma le aufaigaluega na iai i le taimi na tupu ai.