Ua ave e le iuni le malo i le tulafono ona o sā ua tuuina mai e lē mafai ai ona faigaluega mai le fale.
O lea ua i luma o le Employment Relations Authority lenei mataupu, e pei ona saunoa ai le minisita ia Nicola Willis i le masina o Setema, o le faigaluega mai le fale e lē agavaa ai tagata faigaluega a le malo se’i vaganā ua iai se maliega.
Peitai i le vaai a le PSA, ua soli ai ta’iala o loo fetuutuuna’i ai le faiga o galuega ma o lea na faaulu ai loa lana tagi ananafi.
O le finau a le PSA e lē mafai e le malo ona ia taofia faapea ma o le mea moni o lea foi e iai itu e penefiti mai ai.
Ae i se tali mai a le minisita ananafi i le mae’a faaulu ai o le tagi, saunoa Willis, e tumau pea le mau a le malo ma o loo galulue nei le komisi o galuega a le malo faapea le iuni i nisi ta’iala fou.
Puna o Faamatalaga: PSA takes legal action against govt over working from home restrictions | RNZ News
