Ua lata ina mae’a le galuega o feagai nei ma le ofisa o le komisi o faigapalota o le lesitalaina o tagata ua agavaa ona palota i le itumalo faapalota o Vaimauga 3.
O le taimi nei o loo galulue le ofisa i nuu ma afioaga o le itumalo, peitai ua avanoa foi se fesootaiga tau upega tafailagi ona lesitala ai tagata palota o se faiga e vave ai le lesitala, ma avanoa ia i latou e le maua se avanoa i le galuega o loo faagasolo i le itumalo faapea ma le ofisa o le komisi o faigapalota.
O le Aso Faraile nei e tapunia ai le galuega lea o loo lesitala ai i latou ua aulia le 21 tausaga o le soifua, faapea tagata palota ua liliu a latou lesitala i le lola a Vaimauga 3.
O le masina fou o Fepuari ua iai le talitonuga o le a faia ai le palota laititi a lea itumalo mo le toe sailia o sona sui faipule i le Palemene.
E oo mai i le taimi nei e lei iloa poo ai ae toafia nisi e agavaa e avea ma sui tauva mo lea palota laititi.
