O se matati’a ua ausia i galuega o le tamaoaiga o le atunuu e pei ona faamauina e le faletupe tutotonu o Samoa le oo atu i le tasi le piliona tala o tupe teu faaagaga a le atunuu i fafo, poo foreign reserves.
O tupe ia mo fefaataua’iga o oloa ma ua faaalia e le faletupe tutotonu o le atunuu o le tasi 1.01 piliona o tupe teu faaagaga i fafo na ausia i le masina o Me, o le a gafatia ai ona faatau mai oloa mo le isi 10 masina o lumanai.
O se tulaga lelei tele lea mo le tamaoaiga o Samoa ua siitia e pei ona faailoa i le lipoti a le faletupe tutotonu.
O ia tupe teu faaagaga e tafe mai i fesoasoani mai fafo i paaga a le malo o Samoa, o tupe faamomoli mai fafo, ma isi auala o fesoasoani o loo maua ai tupe a le Malo.
