E to’atolu tagata ua pu’e e leoleo i Melepone ina ua faamalosia lo latou aveese mai o se ta’ita’i o le Mausalemi ma lona to’alua ma osofa’ia i la’ua i le itu i sasa’e o Melepone.
Faailoa e le 9news faamatalaga mai leoleo i lea faaitu ua ta’ua ai ole ulugali’i lea mausalemi sa agai atu i le la taavale i South Gippsland Highway i Dandenong South i le po o le aso Toonai ae osofa’ia ai loa la’ua.
O se kulupu o tagata e to’atolu na o ane i se taavale lanu uliuli ma ua fetauina lo latou poloka o le taavale a le ulugali’i ma faamalosia le o ane i se pamu penisini lalata ane, na o latou lafo faamatalaga faailogalanu i le ulugali’i ma faaleaga le la taavale ma ua ta’ua sa faaoolima foi i latou ia i le imam poo le ta’ita’i mausalemi lea ma sa taumafai tagata na iai i lea nofoaga e taofi ma afua ai ona sosola ese i latou ia i le latou taavale.
I faamatalaga a leoleo, e toalua ali’i ma se tama’ita’i lea na pu’eina mai Dandenong south i le aso ananafi, o le 22 ma le 23 tausaga mai Cranbourne ua molia ma le tama’itai 18 tausaga ua toe tatala i tua e tālia ai samania a o loo fa’aauau pea su’esu’ega a leoleo.
Puna o Faamatalaga: https://www.9news.com.au/national/victorian-imam-ismet-purdic-and-wife-assaulted-in-racist-attack-south-gippsland-highway/d868f682-d313-48eb-9462-8a88081a7340
