O le aso i Ausetalia ua faaigoaina o le Remembrance Day poo le aso e toe manatua ai i latou sa ofoina le soifua e auauna ai i vaegā’au a le atunuu aemaise o auaunaga mo le tausia o le filemu.
O le tausaga nei ua faalauiloa ai e le Australian War Memorial i Canberra se video ua tuufaatasia e faailoa ai le tāua o le auaunaga sa faatino e i latou ia aemaise o faailoga taualoa sa tauaaoina mo le tautua.
O le faatonu o le falemata’aga Matt Anderson na ia faailoa a o tomanatu Ausetalia e manatua soifua o i latou ia ma le faamanatuina o le 107 tausaga talu ona mae’a le Taua Muamua o le Lalolagi, e ao foi ona manatua le silia ma le ‘afa o faailoga taualoa o Victorian Crosses sa tauaaoina i fitafita Ausetalia i le taimi lea o le taua muamua o le lalolagi.
O le ulua’i tagata Ausetalia na mauaina le Victorian Cross lea i le 1900 o le kapeteni o Neville House mai le NSW Medical Staff Corps ona o lona faasaoina mai o se alii sa manu’a a o vevela taugafana i le Boer War i Aferika i Saute.
Puna o Faamatalaga: https://www.9news.com.au/national/australia-remembrance-day-2025-australia-pauses-to-reflect-what-you-need-to-know/72bdf472-023c-4696-a7ea-aef640c0b335
