O le ali’i o loo tu’ua’ia i le faalavelave na tupu i Bondi o Naveed Akram ua aveina atu nei i le falepuipui, Goulburn Supermax pei ona lipotia e le ālaata 9. O lea ali’i 24 tausaga le matua ua molia i moliaga e 59, e aofia ai le fasioti tagata ma le faatinoina o gaioiga faatupu faalavelave.
Ua faailoa sa manu’a tigaina le ali’i lea i le taimi o le faalavelave a o taufana ma leoleo lea na maliu ai ma lona tamā sa o la to’alua o Sajid.
E 9 aso sa iai Naveed i le falema’i a o le’i aveina atu i le falepuipui i Sini a o lea la ua aveina atu i le falepuipui o loo tuli ai faasalaga o i latou e ogaoga ma ono lamatiaga ai le nofo lelei o tagata lautele.
Puna o Faamatalaga: https://www.9news.com.au/national/naveed-akram-accused-bondi-terror-attack-gunman-moved-to-goulburn-supermax/93e43843-8d9e-4e0d-98a2-36bf53e39169
