E 12 tausaga le matua o se tamaitiiti ua lipotia o loo aofia ai i le ‘aumanunu’a i le faalavelave na tupu i le po anapo i Ausetalia i Saute.
Fai mai lipoti a le 9News e to’atasi ua maliu ai ma le to’atolu o loo manunu’a, o se isi alii e 28 tausaga le matua, o se tama’ita’i e 29 tausaga le matua, ma le tamaitiiti e 12 tausaga le matua, lea o loo manunu’a uma ae o lē ua maliu o le avetaavale e 31 tausaga le matua, o se alii foi, na maliu ai lava i le nofoaga na tupu ai le faalavelave.
Ua ta’ua i lipoti na soso’a e le taavale se laau i le faaitu o Suttontown i le itu i Saute i Sasa’e e lata i Mount Gambier ma latalata i le tuaoi ma Vitoria.
O le toe kuata i le 10 i le po anapo na sesee ese ai le taavale o le Holden sedan mai le alatele ma feto’ai ai ma se laau.
O loo faagasolo foi i le taimi nei su’esu’ega a leoleo.
Puna o Faamatalaga: https://www.9news.com.au/national/suttontown-car-crash-south-australia/e168d573-c5d3-4bb5-8f68-a00bffc07231
