O se lipoti mai le malo, ua toe faamatuu mai le isi $11.5 miliona e fesoasoani ai i tagata ua aafia ona o le afā o Gabrielle.
O lenei vaegatupe o loo iai i totonu le $4 miliona lea ua mae’a tuuina mai mo tagata galulue e aofia ai ma volunteers faapea le isi $4 miliona e fesoasoani ai i aiga o loo moomia le fesoasoani tau tupe mai le malo.
O se fesoasoani na faailoa mai i le afiafi ananafi i le uma ai o le fonotaga a le Kapeneta.
O lenei foi fesoasoani e le gata mo Aukilani ae faapea isi vaega o le atunuu ua aafia.
