Ua iai le fuafuaga a le malo e aumai ni foma’i mai fafo i le va o le 20 ma le 30 e fesoasoani i le to’agaogao o foma’i o loo tautuaina le auaunaga a le matāgaluega o le soifua mālōlōina.
Ua faailoa e le ta’ita’i o le malo le afioga i le Palemia lea fuafuaga ina ua faamaonia e le Kapeneta le auina atu i fafo o gasegase e sefululima mo togafitiga.
O le to’alima o gasegase e faia togafitiga o gasegase o loo aafia ai i Niu Sila ae to’asefulu o Initia o le a malaga iai mo togafitga.
Ua faailoa ai e le Palemia susuga Laaulialemalietoa Leuatea Polataivao le tasi o fuafuaga i le fausia o se isi falema’i e faia ai togafitiga o gasegase sili ona ma’ale’ale āuga lea e lē o mafai ona faia togafitiga i Samoa ma aumai ai ma foma’i mai fafo.
O le tau o loo faatupe ai ia togafitiga i fafo e lē taugofie lea e 12 miliona tālā le totogi i le tausaga.
I le fuafuatatauina o tupe faasaoina a le malo mai lea polokalame ua faailoa foi e le Palemia le fuafuaga e sa’ili ni kamupani se tolu i Niu Sila e tauofo mo le totogi o togafitiga ona o le taimi nei e na o le tasi lava le kamupani.
E faapena foi le silasila a le malo i le auina i Initia o gasegase.
Le ta’ita’i o le malo le afioga i le Palemia susuga Laaulialemalietoa Leuatea Polataivao Fosi.
