Ua augani mai le councillor ia Alf Filipaina i le komiuniti i Manukau e tutu faatasi ma tausi le filemu.

O le po o le Aso Gafua lea na fana ai le sui sinia o le kegi a le Tribesmen ma e faapea na faamanualia tigaina ai.

O le popolega tele o Filipaina o le toe fafagu mai ai foi i luga ma le va o kegi i Aukilani e pei ona e lei mamao atu nei foi ona sosoo ai taugafana e tafana mai taavale.

Tautino councillor e leai se isi poo se taitai foi o le komiuniti o mananao e avea lenei mataupu ma mafuaaga e toe save’u ai le filemu o loo taumafai e taofiofi, aemaise lava i le va o kegi e lua ua aafia.

E tuufaatasia tala o le taeao, e lei maua le leoleo lea na fanaina le sui o le Tribesmen ma ua valaau mai ai ma Filipaina i le komiuniti e galulue faatasia e saili.

O loo moomia foi e leoleo le fesoasoani e ala i le sailia o le na faia.

A o toe tapena atu ai i le isi taaloga a le Toa Samoa i le Aso Sa a sau nei, ua faatalosaga e Filipaina le tutu faatasi ma taumafai e aveesea mai laau malosi o loo i tua.