O le i’uga o se su’esu’ega talu ai nei sa faia i le Atu Kuki ua iloa ai pe 80 pasene o tamaiti i lalo ifo o le 15 tausaga le matutua ua vaaia e lē o lelei le tulaga tau le soifua mālōlōina ma ua vaaia foi faailo o nisi o faama’i lē pipisi.
Ua faailoa mai o sui mai le soifua mālōlōina ua aga’i nei e faaleleia lea tulaga ma ua asiasia ai faaitu o le atunuu ia latou polokalame mo le siakiina o le fanau e lē gata i le soifua mālōlōina o le tino ae faapea i nifo ma faama’i e pei o le rheumatic heart disease.
Fai mai le failautusi o le soifua mālōlōina, Bob WIlliams ua mana’omia vave lava se gaioiga i ia tulaga.
Ua mana’omia ona faamalosia le itu tau le puipuiga aemaise i le tausiga mai o pepe faato’ā fananau mai se’i oo lava ina faasolo ina avea ma tamaiti laiti ma o i a’oga.
Na ta’ua e WIlliams o pepe e soifua mālōlōina, o le malolosi foi lea pe a oo ina matutua.
Puna o Faamatalaga: https://www.rnz.co.nz/international/pacific-news/535412/cook-islands-focuses-on-improving-child-health-and-combating-non-communicable-diseases
