A itiiti mai pe to’a 26 tagata ua fasiotia ma le to’a 12 o loo manunu’a i se osofa’iga o loo masalomia o se faiga faatupu faalavelave i le faaitu o Jammu ma Kashmir i le Atu Himalaya.
O le osofa’iga e pei ona faamatala i lipoti a le CNN ua faamatala e se tasi o minisita o le faigamalo o Omar Abdullah o se osofa’iga tele lea ua vaai iai ua aafia ai tagata lautele ma na tupu tonu i se nofoaga e to’atele iai turisi i vaega mauga o le atunuu.
E lē o iloa i le taimi nei pe o aafia ai ma ni tagata mai atunuu i fafo i ē ua maliliu a o faagasolo le su’esu’ega a leoleo.
Ua faailoa o le faaitu na tupu ai le faalavelave e pulea e Initia ma Pakistan ma e masani foi i tulaga faapea o vesiga ae seāseā aafia ai tulisi peitai la o lea e foliga ua ese le tula’i mai o lea osofa’iga ma o loo faatalia se isi lipoti lata mai.
Puna o Faamatalaga: https://edition.cnn.com/2025/04/22/asia/gunmen-open-fire-jammu-kashmir-intl/index.html
