Ua atoa le vaiaso talu ona tupu le faalavelave na lavea ai si teineititi 15 tausaga o Lilly Hanes mai Kuiniselani ae na faailoa i lipoti i le asō ua iu lava ina maliu.
O se faalavelave tau taavale na tupu i Gympie i Kuinselani na lavea ai Lilly ma aveina ai i le falemai o Tamaiti i Kuiniselani mo togafitiga.
O i lava foi na uma ai lona ola i le faaiuga o le vaiaso a o siosio e si ona aiga mafatia.
O le teineititi sa malaga atu i le isi taavale o le sedan lea na aofia i le faalavelave, na feto’ai ma le 4WD i le aoauli o le aso 10 o Iuni, ma na aveina ane le teineititi i le falemai mo togafitiga ae o le avetaavale o le taavale na o ane ai e 23 tausaga mai Niu Sa Uelese ma o loo i se tulaga tigaina foi.
O le toaono o tagata na malaga atu i le 4WD e le tigaina manu’aga ma o loo faaauau pea iai suesuega a leoleo.
