O loo sailia nei e leoleo ni faamatalaga mai le lautele o le tatou atunuu, e fesoasoani e saili ai se teineititi aoga o le Kolisi o Uesile i Faleula, ua atoa le vaiaso e lei toe foi i lona aiga talu ona ia tuua i le aso 2 o Setema.
Ua faailoa e leoleo i auala o fesootaiga televavave o lea teineititi aoga 15 tausaga le matua o lona suafa o Linaoleola Ronnie o le Aai o Niue, o le taimi mulimuli na vaaia ai o ia o loo laei le toniga a le kolisi o loo aoga ai.
O le lua ai lea o tagata ua faasalalau e leoleo ni faamatalaga mai le atunuu e sailia ai, i le tuanai o se isi talosaga a leoleo i le tau sailia o se alii 46 tausaga o lona matua, na atoa le aso e lei toe maua e lona aiga poo fea se nofoaga o iai, peitai o lea ua maua.
