O le tapunia o faaputugatupe mo se tasi o Matāgaluega i Amerika le Department of Homeland Security i Uosigitone ua faasolo pea ina faaumiumi, lea ua savalia le 44 o aso.
O loo faaauau pea finauga i lea matāupu ae ua māfua ai ma le tapunia o nisi auaunaga i malae vaalele i le atunuu ona o le to’aitiiti o le aufaigaluega i nofoaga e fai ai siaki o tagata femalagaa’i.
Ua lē oo atu le aufaigaluega ona e le’i maua lava totogi ona o faaletonu lea i le funding.
Ta’ua i lipoti o le vaiaso fou lea ua folafola le maua ai o totogi ina ua mae’a sainia e Trump se poloa’iga e maua ane ai tupe mo ia auaunaga.
O loo faia pea finauga i totonu o Amerika i le va o le Republicans ma le Democrats i le matāupu lava lea ae o loo mālōlō le Konekeresi mo le 2 vaiaso.
Puna o Faamatalaga: https://www.bbc.com/news/articles/cyv1qpzq5v7o
