O le asō le aso tele o le paketi o lenei tausaga.
O le asō o loo faatalitali iai le tele o auaunaga aemaise lava i le soifua maloloina poo le ā le tele o le faasoa a le malo o lenei tausaga.
A o faatalitali ai la, o lea lava ua manino o le tau o le soifuaga ma le toe faatulai mai o le atunuu mai aafiaga o le ‘afa lea o loo faamuamua.
O lea ua mae’a faailoa mai le $1 piliona mo galuega faalelei mai le ‘afa faapea lologa, o le Defence Force faapea aoga.
O le itula e lua o le asō e fofoga mai ai e le minisita o tupe Grant Robertson le paketi o lenei tausaga, ma a o faatali ai o lea lava foi ua mae’a saunoa le Palemia Chris Hipkins e le o iai se suiga i lafoga o sau ma le paketi.
A mae’a ona faailoa mai le paketi i le asō, o le a maua ai foi le avanoa i totonu o le Palemene mo lauga a pati taitasi e faatatau i le paketi.
