O le aso faaiu lenei o le tau vevela poo le summer ma ua matuā faamautuina lea tulaga i Sini i le vevela ua iai i le asō ua oo i le 35 tikeri i le tele o vaega aemaise i le city.
O Vitoria lava ia o loo feagai pea ma mu i togavao faapea foi Ausetalia i Saute.
Ta’ua e le Weatherzone o faaitu o Penrith ma Paramatta e oo atu i le tai 39 tikeri le vevela.
Ua tuuina foi e le vaaitau se lapataiga mo le vevela e aafia ai le Mid North Coast, Hunter region ma le faasolo atu agai i le Snowy Mountains ma faaitu i le itu i Sisifo o le atunuu.
O le asō foi o loo mātele ina oo atu le vevela i le 40 tikeri mo taulaga maotua o Niu Sa Uelese atoa ai foi ma le laumua i Canberra o loo faamauna i le 34 tikeri.
Fai mai nisi i talafou ua fiafia o le a faamae’a atu le tau vevela ae se’i oo mai sina mālū a o faagasolo suiga o tau o le tausaga lea e lei leva nei ona amata le 2024 a o lea foi o le a faasolo atu i lona ogatotonu i le vave o le alu o aso o le soifuaga ua iai nei.
