O sootaga i le va o le Peresetene o Ukraine, Volodymyr Zelensky ma le Peresetene o Amerika o Donald Trump ua faasolo ina lē lelei e pei ona faailoa i lipoti mai le Alaaata 9.
Fai mai Zelensky o Trump o loo aumau i se nofoaga a Lusia e iai faamatalaga lē sa’o ae fai mai Trump o Zelensky o se ta’ita’i e umia to’atasi e ia le paoa.
O feupua’iga ia ua alia’e a o taumate ai e le lalolagi le tulaga tonu ua oo iai le taua i Ukraine aemaise o le sao o Amerika i lea vevesi.
O sui sinia mai Amerika ma Lusia sa feagai ma fonotaga e oo mai i le aso ananafi ae o se faamatalaga aupito lata mai a Trump na faia e faatatau ia Zelensky i luga o le social media, na ia ta’ua ai o Zelensky o se tagata faimea mālie na ia faaoso Amerika e faaalu le $350 miliona i se taua e lē mafai ona manumaloina.
Ua fautuaina foi e Trump Zelensky ina ia fai vave sana gaioiga a lē o lea o le a leai sona atunuu e totoe.
