Ua sainia e le Peresetene o Donald Trump se poloa’iga e toe faatuai ai ona apalai pe tuuina lafoga faaopoopo i luga o oloa mai Mexico ma Kanata, oloa o loo aofia i lalo o le maliega ua faaigoa o le USMCA.

Ua faia ia faai’uga i le mae’a o se talanoaga na faia a Trump ma le Peresetene o Mexico Claudia Sheinbaum aemaise feutana’iga ma Kanata.

Fai mai e toeitiiti masina atoa lea o le a toe faatuai ai lea fuafuaga ma ua faafetaia foi e le ta’ita’i o Mexico faapea Kanata le toe faia o lea fetuuna’iga.

O Mexico, Saina ma Kanata o paaga tetele ia a Amerika i tulaga tau fefaataua’iga.

O loo iai isi lipoti e le’i faamaonia i le taimi nei e faapea ua toe suia foi le finagalo o Trump i le mataupu lea ma ua toe faaauau ona tuuina lafoga i oloa a Mexico ma Kanata.

Puna o Faamatalaga: https://edition.cnn.com/2025/03/06/economy/tariffs-delay-mexico-canada/index.html