Ua faailoa e le fale pa’epa’e i Amerika ua faatalanoa nei e Trump ma lana faigamalo avanoa e maua ai Greenland ma o loo aofia ai i ia avanoa ma le faaaogaina o le malosiaga faa militeri.
O loo faailoa i le BBC e ala i se pepa o faamatalaga mai le fale pa’epa’e e faapea o le maua o Greenland o se fuafuaga lea o loo ave iai le faamuamua a Amerika ona o faamoemoega tau le puipuiga.
Ua faamatu’u mai le pepa o faamatalaga lea a Amerika ae faatoa na o ni nai itula talu ona faailoa e ta’ita’i o Europa o le a tutū faatasi ma Denmark i le mataupu lea.
O le amataga o le vaiaso na faailoa ai e le Palemia o Denmark, o soo se osofaiga mai ia Amerika i Greenland, o le iuga foi lea o le NATO.
O le NATO poo le North Atlantic Treaty Organisation o se vaega o atunuu ua ‘au’au faatasi e agai e fesoasoani i soo se tasi o o latou sui pe a feagai ma ni osofaiga mai fafo atu o le kulupu.
Puna o Faamatalaga: https://www.bbc.com/news/articles/cwyg1jg8xkmo
